കിടക്കുമ്പോള്‍ തല ഏത് ദിശയിലേക്ക് വയ്ക്കണം? പൂര്‍വികര്‍ ചെയ്തിരുന്നത് ഇങ്ങനെ
മനുഷ്യനെ സംബന്ധിച്ച് വളരെ പ്രധാനമാണ് അവന്റെ കിടപ്പുമുറി (bed room). കിടക്കുന്ന ദിശ (direction) ശരിയായില്ലെങ്കില്‍ ഉറക്കം മാത്രമല്ല, ആരോഗ്യവും (health) സമ്പത്തും (wealth) നഷ്ടമാകുമെന്ന് പൂര്‍വ്വികര്‍ പറഞ്ഞു വയ്ക്കുന്നു. വീട്ടില്‍ പ്രത്യേകമായ മുറിയായാലും പ്രത്യേക ഭാഗമായാലും കിടപ്പ് ശരിയായ രീതിയിലാകേണ്ടത് അത്യാവശ്യമാണ്. പകല്‍ ചെയ്യുന്ന കാര്യങ്ങള്‍ക്കുളള ഊര്‍ജം സംഭരിക്കാന്‍ സാധിക്കുന്നത് രാത്രി ലഭിക്കുന്ന നല്ല ഉറക്കത്തിലൂടെയാണ്. രാത്രി ഉറക്കം കൃത്യമായില്ലെങ്കില്‍ അത് പകലുളള കാര്യങ്ങളെയും ദോഷമായി ബാധിക്കും. ഏത് ദിക്കിലേക്ക് തല വച്ചു കിടക്കുന്നു എന്നത് ആരോഗ്യത്തിനും സാമ്പത്തിക ഉന്നതിക്കും കാരണമായി പറയപ്പെടുന്നുണ്ട്.
കിഴക്ക് അല്ലെങ്കില്‍ വടക്ക് ദിക്കിലേക്ക് തലയിണ വച്ച് തല വയ്ക്കുന്നതാണ് ഉത്തമമെന്ന് ആചാര്യന്‍മാര്‍ പറയുന്നു. രാവിലെ വലത്തേക്ക് തിരിഞ്ഞ് എഴുന്നേറ്റാല്‍ കിഴക്ക് സൂര്യനെ ദര്‍ശിച്ച് എഴുന്നേല്‍ക്കാനാവണം എന്നാണ് പറയുന്നത്. ഇത് നമ്മില്‍ പോസിറ്റിവിറ്റി നിറയ്ക്കും. വലത്തേക്ക് തിരിഞ്ഞ് എഴുന്നേറ്റിരിക്കുകയാണെങ്കില്‍ അത് സൂര്യന്റെ പ്രതിബിംബങ്ങളാകുന്ന സപ്തര്‍ഷികളെ ദര്‍ശിച്ചാകും. ഇത് വടക്ക് ദിക്കിലായാണ്. ഇതിനാല്‍ ഈ രണ്ട് ദിക്കുകളും ഐശ്വര്യ പ്രദാനമായതിനാലാണ് നമ്മുടെ പൂര്‍വികര്‍ ഈ രണ്ട് ദിക്കുകളില്‍ തലവച്ച് ഉറങ്ങാന്‍ അനുവദിച്ചിരുന്നത്.
സാമ്പത്തിക ഉന്നതിക്ക് തൃക്കാര്‍ത്തിക വ്രതം അനുഷ്ഠിക്കാം; അറിയേണ്ടതെല്ലാം
ക്ഷേത്രങ്ങളിലും (temple) വീടുകളിലും മറ്റും നിറയെ ചിരാതുകള്‍ തെളിച്ച് (Thrikkarthika deepam) അന്ധകാരത്തിനു മേല്‍ പ്രകാശം ചൊരിയുന്ന ദിവസമാണ് തൃക്കാര്‍ത്തിക (Thrikkarthika). മണ്‍ചിരാത് (Thrikkarthika deepam) കത്തിച്ചു പ്രാര്‍ത്ഥിക്കുന്നത് ഐശ്വര്യവും നന്മയും ഉണ്ടാക്കും എന്നാണ് ഹൈന്ദവ വിശ്വാസം. മാത്രമല്ല ദാരിദ്ര്യത്തില്‍ നിന്നും മോചനം ലഭിക്കുകയും ചെയ്യുമെന്ന് ആചാര്യമതം. ഈ വര്‍ഷത്തെ തൃക്കാര്‍ക്കിക ദിനം 2022 നവംബര്‍ 9 ബുധനാഴ്ചയാണ് വരുന്നത്. ദേവീപ്രീതിയ്ക്ക് അത്യുത്തമമായ തൃക്കാര്‍ത്തിക ദിനത്തില്‍ വ്രതം അനുഷ്ഠിക്കുന്നതും ഭവനത്തില്‍ ചിരാതുകള്‍ തെളിച്ചു പ്രാര്‍ഥിക്കുന്നതും ദേവീകടാക്ഷത്തിനും ഐശ്വര്യവര്‍ധനവിനും ദാരിദ്ര്യദു:ഖശമനത്തിനും കാരണമാകുന്നു.
തൃക്കാര്‍ത്തിക ദിനത്തില്‍ ദേവിയുടെ സാമീപ്യം ഭൂമിയില്‍ ഉണ്ടായിരിക്കുമെന്നാണ് വിശ്വാസം.
വീടും പരിസരവും വൃത്തിയാക്കി പുണ്യാഹമോ ചാണകമോ വെള്ളമോ തളിച്ച് ശുദ്ധീകരിച്ച ശേഷമാണ്, അജ്ഞാനമാകുന്ന അന്ധകാരത്തെ ഇല്ലാതാക്കുന്നതിന്റെ പ്രതീകം കൂടിയായ ദീപം തെളിക്കുക. നവരാത്രി പോലെ ദേവീപ്രീതിക്കായി ഗൃഹങ്ങളില്‍ ഉത്തമമായി വിളക്ക് തെളിച്ച് ദേവിയെ വരവേല്‍ക്കുന്നതും കാര്‍ത്തികയ്ക്കാണ്.
മനസ്സിലെ മാലിന്യങ്ങള്‍ നീക്കി കുടുംബത്തില്‍ ഐശ്വര്യം നിറക്കുന്നതാണ് തൃക്കാര്‍ത്തികവ്രതം. കുടുംബത്തിലെ എല്ലാവരും ഒന്നിച്ചു വ്രതം അനുഷ്ഠിക്കുന്നത് ഏറെ ഉത്തമം. മൂന്നു ദിവസമാണ് വ്രതാനുഷ്ഠാനം. വ്രതദിനത്തില്‍ പൂര്‍ണ ഉപവാസം പാടില്ല .തൃക്കാര്‍ത്തികയുടെ തലേന്ന് പകലുറക്കം, മത്സ്യമാംസാദികള്‍, എണ്ണതേച്ചുകുളി എന്നിവ ഒഴിവാക്കേണ്ടതുണ്ട്.
നവരാത്രി വ്രതം പോലെ വിദ്യാര്‍ഥികള്‍ ഈ വ്രതം അനുഷ്ഠിക്കുന്നത് വിദ്യാപുരോഗതിക്ക് കാരണമാവും. വിഷ്ണുപൂജയില്‍ ഏറ്റവും പ്രാധാന്യമുള്ള തുളസിയുടെ അവതാരം തൃക്കാര്‍ത്തിക ദിനത്തിലായിരുന്നു എന്നാണ് പുരാണമതം. പാലാഴിമഥന സമയത്ത് സര്‍വ ഐശ്വര്യങ്ങളുമായി മഹാലക്ഷ്മി ആവിര്‍ഭവിച്ചത് വൃശ്ചികമാസത്തിലെ കാര്‍ത്തിക നാളിലെന്നാണ് വിശ്വാസം.
Leave a Reply